| Cicero, Lucullus (XML Header) [genre: prose; philosophy] [word count] [lemma count] [Cic. Luc.]. | ||
| <<Cic. Luc. 79 | Cic. Luc. 82 () | >>Cic. Luc. 84 |
81'At ille nescio qui , qui in scholis nominari
solet , mille et octingenta [Note] stadia quod abesset videbat .' Quaedam volucres longius ; responderem igitur
audacter isti vestro deo me plane his oculis non esse
contentum . dicit [Note] me acrius videre quam illos [Note] pisces
fortasse , qui neque videntur a nobis (et nunc quidem
sub oculis sunt ) neque ipsi nos suspicere possunt ;
ergo ut illis aqua sic nobis aer crassus offunditur .
'At amplius non desideramus .' Quid talpam num desiderare lumen putas ? Neque tam [Note] quererer [Note] cum deo
quod parum longe quam quod falsum viderem . [Note] videsne navem illam : stare nobis videtur ; at iis qui
in nave sunt moveri haec villa . quaere rationem cur
-- Quid ego de nave ; vidi enim a te remum contemni : maiora fortasse quaeris . Quid potest [Note] sole maius ,
quem mathematici amplius duodeviginti partibus confirmant maiorem esse quam terram : [Note] quantulus nobis
videtur ; mihi quidem quasi pedalis ; Epicurus [Note] autem
posse putat [Note] etiam minorem esse eum quam videatur ,
sed non multo ; ne maiorem quidem multo putat esse ,
vel tantum esse quantus videatur , ut oculi aut nihil
mentiantur [tamen ] aut non multum — mentiantur [Note]
<tamen >: ubi igitur illud est 'semel '? [Note] — sed ab hoc
credulo , qui numquam sensus mentiri putat , discedamus , qui ne [Note] nunc quidem , cum ille sol , qui tanta incitatione fertur ut celeritas eius quanta sit ne cogitari
quidem possit , tamen nobis stare videatur .
ch. 26
82| Cicero, Lucullus (XML Header) [genre: prose; philosophy] [word count] [lemma count] [Cic. Luc.]. | ||
| <<Cic. Luc. 79 | Cic. Luc. 82 () | >>Cic. Luc. 84 |
